War-saxaafadeed ka soo baxay Xisbiga Wadajir ayaa lagu soo dhaweeyay natiijadii ka soo baxday wejiga labaad ee shirka wadatashiga Dawlada Federaalka ah iyo dawlad Goboleedyada.
Sidoo kale waxaa uu Xisbigu ku baaqay in si wadajir ah loogu istaago ka mira dhalinta wejiga sedexaad ee shirka Dhuusmareeb.
Madaxda Dowlada federaalka iyo hoggaamiyaasha maamul goboleedyada dalka ayuu xisbiga u soo jeediyay in ay daadajiyaan dhismaha guddiga heer farsamo ee ka shaqeyn doona sidii loo dhamaystiri lahaa heshiisyada ku aadan arrimaha doorashooyinka iyo kuwa kale ba.
