Hagaag, jamaahiirta Nacional ayaa soo bandhigay qaab cajiib ah oo ay ku muujiyeen dareenkooda ka dib markii la soo wariyay warar sheegaayo saxiixa Luis Suarez.
Ku dhawaad 20,000 oo taageerayaal u ah naadiga El Club Gigante (The Giant Club) ayaa khamiistii soo xirtay waji-saab (maaskaro) ka samaysan wajiga ciyaaryahan Suarez ciyaar si ay u muujiyaan jaceelka ay u hayaan.
Ciyaaryahanka heerka caalami ee dalka Uruguay, oo 35 jir ah, ayaa ka tagay Atletico Madrid xili qandaraaskiisu dhacay xagaagan.
Weeraryahankii hore ee Liverpool iyo Barcelona ayaa lagu soo waramayaa in loo soo bandhigay kooxda reer Germany ee Borussia Dortmund balse wararka ka imanaya dalkiisa Uruguay ayaa sheegaya in Suarez uu qarka u saaran yahay inuu ku laabto halkii ay wax walba ka soo bilowdeen.
Wuxuu u saftay kulankiisii ugu horeyeey Nacional isaga oo 18 jir ah, 2005, waxaa uu ka caawiyay horyaalnimada Uruguayan si ay ugu biiraan Yurub Groningen xilli ciyaareedka soo socda.
Khamiista, saraakiisha Nacional ayaa u sheegay wariye maxalli ah “marka laga reebo masiibo”, Suarez wuxuu dib ugu biiri doonaa El Club Gigante (The Giant Club) 48 saacadood gudahood.
