Guddoomiyaha gobolka Banaadir oo amar kasoo saaray qashinka lagu shubo goobaha aan munaasabka aheyn.

Guddoomiyaha gobolka Banaadir ahna duqa magaalada Muqdisho Cumar Maxamud Maxamed (Cumar Filish) ayaa maanta xariga ka jaray meel cusub oo maamulka gobolka Banaadir ugu talagalay in lagu maareeyo qashinka laga soo qaado degmooyinka gobolka Banaadir.

Guddoomiye Cumar Maxamud Maxamed (Cumar Filish) ayaa xarig jarka kadib waxaa uu amar adag kasoo saaray qashinka lagu shubo goobaha aan munaasabka aheyn ee magaalada Muqdisho waxaa uu sidoo kale digniin u diray shirkadaha qashinka qaada ee aan ka diiwaan gashneyn dowlada hoose Xamar.

Magaalada Muqdisho oo bilooyinkii danbo kasoo ka banaysay wasakhda lagu daadiyo waddooyinka ayaa haddana waxaa jiro in goobaha qaar iyo Degmooyinkaba lagu arko qashin Iska daadsan taas oo xiliyada roobabka dhaliso cudurada dilaagga ah.