Dhaqaatiir iyo Kalkaaliyaal Caafimaad oo gaaraayo 83 oo dhawaan ku soo biiray Ciidanka Xoogga Dalka Soomaaliyeed ayaa la goddoonsiiyay garaaddo.
Ku simaha taliyaha Ciidanka xoogga Dalka Soomaaliyeed, S/gaas Cabdi Xasan Maxamed, ayaa garaadda siiyay 83 xubnood waxaana madashaa goob jog ka ahaa Taliyaha Ciidanka Dhulka ee Xooga Dalka, S/Guuto, Odowaa Yuusuf Raage waxaa uuna Dhaqaatiirta iyo Kalkaaliyaasha Caafimaad kula dardaarmay in ay aqoontooda wax ugu qabtaan Ciidanka.
Kusimaha Taliyaha Ciidanka Xoogga Dalka Ahna Taliye ku xigeenka Ciidanka S/gaas; Cabdi Xasan Maxamed, ayaa ku wargaliyay Xubnaha darajada la siiyay in ay u diyaargaroobaan Shaqo adag maaddaama uu Ciidanka Xoogga Dalku ku jiro Dagaal.
Bishii December ee Sanadkii Tagay ayey ahayd markii ugu horreysey ee ay si rasmi ah u shaqo billaabeen kooxdan ka kooban Dhaqaatiitar iyo Kalkaaliyaasha Caafimaadka.
